山止川行 (已結業)

呢排个个都出国或去内地旅行，我就话香港咁多好嘢食，留返系度，试吓各地菜式都可以。所以，今次选择咗铜锣湾的「山止川行」食川菜，由做了20多年的厨师主理，听闻是系内地跟师父食过下夜粥架。另外，其实佢仲有打边炉，不过我哋都系想食川菜。麻辣肥肠 $78小辣的卤水猪大肠，辣度适中，唔会食完要休息一下条脷先可以再食，又甜甜地，猪大肠好淋易入口，一啲都唔韧。四川口水鸡 $128辣味会维持耐啲，同埋小辣至中辣之间，食完要喝茶🫖，解一解辣，鸡肉好滑唔鞋口。酸菜桂花鱼 $388桂花鱼又大件、又厚身、又滑，酸辣味适中，好味到饮埋啲汤，很浓味，又唔会辣到饮唔到，饮完冇口渴，汤底真系好好味。孜然牛肉 $158好淋的牛肉，孜然味香而不浓，入口有淡淡孜然味，味道不会太抢，反而觉得更好。洋葱不会太熟，我就喜欢这熟的程度，有点辣、有点甜、有点香，配牛肉一齐食好好味。香菇四川腊肠炒饭 $128一啲都唔辣，腊肠味不像香港的浓，但肉质比较结实，不打紧，因为切了小粒，易入口，饭粒比较湿，不算干爽，整体味道唔错。