素一素

营业中

休息中

近排因为一啲原因多咗选择素食，然后先至发现香港嘅素食选择真系好少，一系就好贵，一系就系好传统嘅中式素食，再唔系就系沙律𠮶啲。今次嚟到工业区荔枝角，估唔到都有素食可以选择，香港工业中心本来系批发为主，但原来地库系有一个小型嘅美食广场，虽然格局好似有啲奇怪，喺个小小嘅路口行落去，但系落到去发现都几企理，素食嘅空间好干净整齐。因为我系晚餐时间嚟，可以选择食套餐，先有一个中式汤水，冇谂过唔用肉都可以煲得好鲜甜，然后选择叉烧黑松露炒蛋，仲有一个系咕噜肉，配衬红米饭，成个餐份量啱啱好。千祈唔好觉得素食就一定好清淡，我好钟意个蜜汁叉烧，佢系用咗柚子蜜，我觉得同猪肉叉烧去比较嘅话，其实呢个仲好食，起码唔使担心啲叉烧太肥有肥膏。松露炒蛋都做得好，另外咕噜肉我觉得真系唔讲唔知佢系素，酸酸甜甜好开胃。几十蚊一个晚餐，性价比都算唔错，我见到午餐嘅两𩠌饭仲吸引仲平，喺附近做嘢嘅人有机会过嚟试吓！