大匙羹 (已結業)

星期五放工攰攰地唔想煮饭，又去唯一比较多食肆又可以停车嘅伟智街揾食。揸车经过见到有韩式便当就走去𥄫下，见到韩式牛肩肉同豚肉便当好似几吸引，于是点左两个，等咗大约十分钟就整好，店员仲问我要唔要加饭，又几细心㖞。豚肉同牛肩肉都几好味，个酱汁调校得几惹味，佐饭渍物如薯仔丝、甜黑豆、支豆清爽好味。$45系物有所值。佢哋仲有其他韩式小食如海鲜煎饼、泡菜煎饼鱼片辣炒年糕等。价钱都算大众化，下次再试埋其他便当同小食。支持本土小店。