大匙羹 (已結業)

放假到3點都未食午餐，想食韓國嘢就試吓小店。泡菜魚片炒年糕：全碗只有兩片硬幣大嘅魚片，泡菜反而不少，口味不是甜辣是純辣有點單調。韓式炒粉絲：本人好鐘意韓式粉絲，姐姐即炒嘅軟硬適中，不過配料就只有少量洋蔥三色椒，完全無肉，比較失色。總結：份量偏少，我食哂兩樣都唔覺好飽，味道一般。

星期五放工攰攰地唔想煮飯，又去唯一比較多食肆又可以停車嘅偉智街搵食。揸車經過見到有韓式便當就走去𥄫下，見到韓式牛肩肉同豚肉便當好似幾吸引，於是點左兩個，等咗大約十分鐘就整好，店員仲問我要唔要加飯，又幾細心喎。豚肉同牛肩肉都幾好味，個醬汁調校得幾惹味，佐飯漬物如薯仔絲、甜黑豆、支豆清爽好味。$45係物有所值。佢哋仲有其他韓式小食如海鮮煎餅、泡菜煎餅魚片辣炒年糕等。價錢都算大衆化，下次再試埋其他便當同小食。支持本土小店。

白田購物中心一帶有唔少小食店，全部定價都非常相宜😍難得去到石硤尾一帶，今次👧🏻就買咗幾間餐廳食物😏之後慢慢介紹先😝🌟牛肩肉紫菜飯卷估唔到飯卷都有9個選擇，除咗牛肉仲有豬豚肉、韓式餐肉蛋、泡菜豬豚肉等選擇。飯卷已預先包裝，喺籃仔攞完就可以即刻比錢走人💃🏻講返個飯卷，一條飯卷切成8份，飯量同牛肉份量都幾多👍🏻 牛肩肉冇咩脂肪夠曬健康，至於飯口感偏硬身+ 黏性較強，👧🏻就幾鍾意呢種口感！不過就略嫌調味比較清淡，如果可以落返多少少麻油🤏就好啦😆。飯卷仲有玉子、漬蘿蔔💛、紅蘿蔔🥕、青瓜🥒，夾埋一齊食係幾好味🤪。