餃掂手工餃子雲吞專門店

要喺铜锣湾依个乜都贵过人嘅地点，想食餐有质素但又唔太贵嘅晚餐，难道真系冇可能？？非也非也，之前食𠮶一间好味又唔贵，主打手工饺子，叫做〈饺掂〉嘅专门店终于喺铜锣湾有分店！！虽然价钱唔贵，但店内嘅装修同卫生绝对唔马虎。除咗有各式各样嘅饺子之外，仲有腌萝卜喺枱面畀大家开胃开胃，本小兔见到嘅时候对眼真系即刻发晒光。〈龙凤松茸双灼饺跟状元九鼎汤〉乜都唔使讲，当然第一时间要叫佢哋嘅生招牌！！黑松露同白松露灼饺套餐仲有埋佢哋独步自家秘制嘅状元九鼎汤，绝对必食！！〈状元九鼎汤〉热辣辣先呷一口绝无味精嘅〈状元九鼎汤〉，由鲮鱼同鲗鱼加上粉葛同赤小豆所熬制而成，入口即刻有浓烈嘅葛香同鱼嘅鲜甜味，有温肾益气同滋润养颜嘅功效，饮完都即刻觉得自己靓咗。黑白松露嘅饺子皮薄馅靓，带有劲浓郁嘅松露香味，松露控必食之选。〈大白菜猪肉煎饺（中）〉煎饺同样出色，馅料涨卜卜又够美味，外皮煎得干身脆口不油腻，正！！〈元贝猪肉煎饺〉元贝馅料的煎饺更多带一分海鲜的咸鲜味，食到舐舐脷。〈重庆鲜肉云呑（中）〉带点麻麻辣辣的，好惹味！！馅料仲加埋有木耳丝，口感层次丰富，好食好食。〈四川凉面〉〈狮子老公〉净系食饺子唔够饱，所以叫左个清爽Q