維港灣餃子坊 (已結業)

是日黎左维港湾饺子坊都试下佢啲饺子，见好多谷友赞但又话排好耐队㖞，咁就下午茶是段黎啦，博佢无咁多人嘛。门面用上黑底白字，好有潮味㖞。本来有几个人坐系度等外卖，等人行开左先影相啦，咦咦～原来可以外卖生饺子，买啲返去打边炉都好㖞。枱上有各式调味品，最紧要系辣菜脯！辣辣地同饺子特别夹㗎。油菜（$16）餐餐都系多肉少菜，叫返碟油菜食下先，正正常常的滚水渌生菜，加啲蚝油简单又好味。是日老火汤系粉葛生鱼汤，好浓味噃，热辣辣好饮。招牌四拼汤饺（$42）一碗有八只，顾名思义就系四款每样两只，有大白菜，韭菜，香芹，芫茜。只只都爆馅㗎，菜同肉比例唔错，个人较喜爱芫荽同韭菜饺，呢两款香口啲，唔唔，好似无得拣双拼饺子？简简单单又一餐，唔错唔错。