影片
更多
2021-11-08
873 浏览
观塘出名多美食，前几日男朋友带咗我去食一间隐世打冷，整体超正，真系要bookmark! 铺头都几近地铁站，行5分钟唔洗就到，夜晚七点左右去到已经好旺场，餐厅地方阔落环境干净，菜色多样有唔同嘅海鲜，潮州打冷小菜，镬气小炒可以选择。我哋一于叫多几样嚟食。蚝饼： 好大份好抵食，炸到好酥脆，入面蚝仔数量都好多，每粒大大粒，可惜我同男朋友都唔饮酒嘅，如果唔系用嚟送酒真系一流。乳鸽：红烧乳鸽切开左4件，外皮脆卜卜，又香又多汁，肉质仲好鲜嫩，为咗呢个乳鸽我哋仲叫多碗饭。蒜蓉粉丝蒸蛏子：我哋前后嗌咗两次因为真系太好食啦，调味刚刚好，好重蒜味，粉丝索晒汁，好浓味好正。 蛏子蒸到啱啱好，钟意食海鲜嘅我真系停唔到呀，差啲要嗌埋第三次。蒜蓉蒸元贝：元贝上面有好多粉丝，超大粒，好嫩仲食到一丝丝嘅口感椒盐墨鱼咀：同样地系好大份，多到数唔到有几多粒喇，外皮包住薄薄嘅炸衣，椒盐味好突出，够晒惹味，墨鱼嘴就够晒烟韧但唔会好难咬，同样如果用嚟送酒就真系一流。雪梨茶：因为食得太多煎炸嘢，要叫杯黎饮下，雪梨茶香甜清新 ，好有家的感觉。食完仲有甜品送，系椰汁马豆糕，食落香甜又滑溜👍🏻👍🏻
铺头都几近地铁站，行5分钟唔洗就到，夜晚七点左右去到已经好旺场，餐厅地方阔落环境干净，菜色多样有唔同嘅海鲜，潮州打冷小菜，镬气小炒可以选择。我哋一于叫多几样嚟食。
蚝饼：
好大份好抵食，炸到好酥脆，入面蚝仔数量都好多，每粒大大粒，可惜我同男朋友都唔饮酒嘅，如果唔系用嚟送酒真系一流。
乳鸽：
红烧乳鸽切开左4件，外皮脆卜卜，又香又多汁，肉质仲好鲜嫩，为咗呢个乳鸽我哋仲叫多碗饭。
蒜蓉粉丝蒸蛏子：
我哋前后嗌咗两次因为真系太好食啦，调味刚刚好，好重蒜味，粉丝索晒汁，好浓味好正。 蛏子蒸到啱啱好，钟意食海鲜嘅我真系停唔到呀，差啲要嗌埋第三次。
蒜蓉蒸元贝：
元贝上面有好多粉丝，超大粒，好嫩仲食到一丝丝嘅口感
椒盐墨鱼咀：
同样地系好大份，多到数唔到有几多粒喇，外皮包住薄薄嘅炸衣，椒盐味好突出，够晒惹味，墨鱼嘴就够晒烟韧但唔会好难咬，同样如果用嚟送酒就真系一流。
雪梨茶：
因为食得太多煎炸嘢，要叫杯黎饮下，雪梨茶香甜清新 ，好有家的感觉。
食完仲有甜品送，系椰汁马豆糕，食落香甜又滑溜👍🏻👍🏻
张贴
