一杯屋 (已結業)

以前有人跟我推荐过呢家日本餐厅，今日就同朋友专门嚟试下。因为我本人非常中意食豆腐，所以点咗胡麻豆腐蕃茄沙律和日式炸豆腐。沙律里面嘅豆腐口感非常绵软嫩滑，酱汁有点像焙煎芝麻酱，还有胡麻籽嘅香味，再加上新鲜嘅蔬菜仲有酸甜嘅蕃茄，一层又一层嘅味道相互交错，有酸有甜，有香有咸，碰撞出难以言明嘅好味道。日式炸豆腐亦都唔错，表面金黄酥脆，内里却嫩滑如初，两种唔同层次嘅口感相辅相成，非常好味。我哋仲还点咗另一道小食炸日本池鱼仔，池鱼仔被炸得酥松香脆唔油腻，做下酒菜系一绝。美国牛小排肉质鲜嫩，高温嘅炙烤锁住咗肉汁，食完之后齿颊留香。最后系三个串烧，分别系五花腩车尼茄串，五花腩露笋串仲有鸡横膈膜肉串，味道非常地道，值得一试。