諾亞半熟蛋糕專門店 (已結業)

经过上次当做生日蛋糕买返去帮屋企人庆祝之后, 唔单止我觉得唔错, 连屋企人都觉得好味, 咁岩今次同女朋友路过西九龙商场, 发现好多口味都好有趣咁, 决定买其他口味试下佢!虽然西九龙中心『诺亚』既铺位系比较细, 但所有类型蛋糕都系晒呢个蛋糕柜道, 都已经足够大家慢慢简你地喜欢既口味去试试!佢既包装都算美观～比较贴心既系拎开个蛋糕系有餐具供应架！不过有少少唔环保：（今次呢个叫做士多啤梨芝士流心蛋糕, 价钱为$78以呢个size既蛋糕黎讲, 佢个价钱做得相当唔错, 大家值得一试!讲下味道 ,面头有好多粒士多啤梨,可惜既系有小小酸,喜欢食甜士多啤梨既朋友可能系道会有少少失望, 但系唔紧要, 因为面头果浸士多啤梨相对甜返少少, 中和返士多啤梨既酸, 相当唔错：D同埋个蛋糕同饼底好好味, 味道同时有士多啤梨同芝士味, 口感系似咬紧d固体既cream, 我觉得个口感非常好, 而且食明显食到有芝士既流心, 性价比相当高!无论味道上，定价钱上，佢都做得非常到位，我推荐大家可以去试试佢！