香港大學校友會

营业中

休息中

是日合共9位朋友响附近开会后一齐嚟食饭，由于有位朋友系港大校友，所以我哋可以嚟食饭。呢度价钱合理，所以好彩该校友早几日已经book定台，否则肯定无位。杏汁白肺汤 : 非常足料，杏仁味浓郁，白肺干净，份量足，一窝可以分成9碗。虾多士 : 而家得番好少地方做呢度菜，虾胶新鲜弹牙，即炸热辣辣，火喉刚刚好，食一嚿真系唔够喉。粉丝杂菜煲 : 一般般，下次可以改点其他菜。南乳斋煲 : 腐皮超多，南乳味不太浓，一般水准。古法盐焗鸡 : 用上新鲜鸡，附上好耐都未食过嘅新鲜鸡内脏，谂唔到鸡内脏最受欢迎，好快就俾大家食晒。盐焗鸡鸡味香浓，盐焗时间刚好，鸡肉刚熟而不会韧。子萝咕噜肉 : 通常外面食到的都是菠萝咕噜肉，但系呢度就有子姜菠萝咕噜肉，而家子姜当做，所以很嫩而无渣，咕噜肉皮脆肉松，可以说是我食过最好食的，强烈建议大家必叫。果皮蒸肉饼 : 果皮香味带出猪肉鲜味，与坊间行货之作有所不同，送饭佳品。虾子柚皮 : 虾子味淡，未能使柚皮上味，所以味道不够。子姜鸡球 : 由于之前的子萝咕噜肉好食，所以我哋再叫一道子姜菜式，但是此菜式只可以说是不过不失，没有惊喜，所以没法和子萝咕噜肉相比。