尚點 小籠包.上海麵館 (元州商場) (已結業)

六点咁上下嚟到，餐厅未算好多人，两个人都坐到卡位。四人位宽敞更似六人位，相当舒服！叫左个上海担担面同埋一个青菜煨面。上海担担面个汤底做得相当出色，上枱麻香辣香味扑鼻，轻轻搅动汤底浓稠刚好，尝一尝汤底浓郁，麻酱味够另加香脆花生粒增口感，再加上轻轻少辣唔会抢。面质烟韧有咬口，捞起挂汤好，沾上芝麻肉碎有多重口感。虽然相比正宗面质略粗，但系始终系连锁店要大量采购先有咁嘅价钱，其实已经相当唔错。青菜煨面相对失色，汤味鲜，惟面质只系稍为比担担面软身，少少溶都冇，感觉讲唔上系煨面。