紅橋

营业中

休息中

晚上去左花墟买花，购买心头好后便到附近揾食，经过#红桥餐厅，环境都干净企理，便进入开餐啰。点左2个晚餐同老友分享，套餐有齐餐汤（有中、西式选）、前菜、主菜同埋饮料，价钱都亲民。餐汤分别要了中同西式，前菜有煎得香口的单骨鸡翼，同埋黑芝麻并厚身虾肉的芝麻虾多士。黑松露忌廉汁大虾意粉，虾🍤爽口弹牙，煮得柔软道刚好又索汁，入口有好香口的忌廉松露味，配菜有蘑菇、芦笋，令口感层次更提升。黑椒牛扒配意粉，牛扒🥩煮得够晒软淋，意粉更用了蒜片调味，配菜还有茄子、翠肉瓜、秋葵同粟米，份量多又好味。餐茶点左热啡同热柠茶，正常水准。晚餐抵食且味道唔错，系值得回坊嘅餐厅。