容記小菜王

营业中

休息中

今日同家人系太子想食镬气小炒，就想起附近嘅容记小菜王。不但镬气小炒色香味俱全，而且份量十足，绝无花假。平时约埋三五知己嚟吹大啤，容记小菜王仲有好多款特色美食配大啤，真系人生一大享受😋。今晚点咗几款精美嘅小炒，真系回味无穷呀！👍🏻容记小炒皇以韮菜，腰果，虾仁，鱿鱼，虾干同鱼仔炒香，送酒简直系一流；韮菜花爽脆，腰果、虾干、鱼仔炸到甘香，虾仁同鱿鱼又鲜味，送饭都食多两碗呀！麻香海蜇海哲弹牙爽脆，麻香油惹味微辣，饭前小食之选攞奖烧肉 - 扬名国际未食见到果几层肉就已经流晒口水，肉质软嫩，入口即化，皮脆肉香，值得一试再试。薯角和牛粒薯角炸香，和牛肉质软绵，再以蜜糖炒香，非常入味，薯角及和牛粒切到大细刚好，一啖一口，正呀！浓汤海鲜什菜煲不得不推介这个浓汤海鲜什菜煲，一煲满足你三大要求。首先，汤料超多，系超多份量，什菜都有几种不同种类，可以满足要多食菜嘅要求；第二海鲜有虾仁、贵妃蚌同带子，份量都系好多，令到汤底好鲜味；第三配菜仲有粉丝同菇，增添汤底鲜甜味，饮落啖汤真系好正，钟意饮汤嘅你，都可以同时满足晒！整体容记小菜王真系值得推介，价钱合理，份量十足，服务态度好，值得大家一试 👍🏻！