大胃車仔麵 (已結業)

今日收工经过富昌揾朋友见到有啲饿于是周围揾铺头，咁啱见到有间车仔面档，一于试下，点咗2碗4𩠌面再包饮品的先80有找份量仲十足，先讲汤底：无味精得来又好好味仲唔口喝，牛腩够淋又好香非常有水准，卤水鸡翼、猪肠都系例牌嘢但卤水有啲独特嘅香味全都十分有水准，另外最惊喜嘅系佢嘅牛丸非常非常之正，有牛肉味又弹牙仲有肉汁添，香港地好难食到呢啲近似汕头正宗嘅牛丸，系必食之一嘅𩠌，而家谂起都心思思想收工又过去食，估唔到呢啲屋邨都有间咁出色嘅面档。