金蘭花泰國菜館

营业中

休息中

旧同学聚会，梗系去九龙城金兰花啦，我哋以前系城大成班同学都已经成日嚟，唔系因为金兰花啲嘢食平抵食，而系佢哋啲嘢食质素真系好高。好似今晚我哋叫咗炸猪手同几年前一样，仍然都系送两支啤酒，好食唔再讲，又真系好抵食。次次都食佢嘅咖喱蟹，今次我哋专登叫咗咖喱大头虾。金兰花一向嘅咖喱都系冇得输，好香浓、好幼滑，大头虾又好好肉，抵食，我哋叫咗抓饼嚟配。以前就成日食佢个乌头炉鱼，贪佢鱼汤好清甜，酸酸好开胃，今次我哋专登叫咗个冬阴功明炉乌头鱼锅嘅，个汤系微辣、酸酸地，更加惹味。好多泰菜餐馆都已经冇得食糯米鸡翼，佢哋嘅糯米鸡翼啲糯米加入冬菇粒同埋虾米仔，超好食。猪颈肉一向都好食好惹味，食完唔想停，跟住再嚟多个菠萝炒饭，呢个就见到佢哋师傅嘅真功力，菠萝炒饭炒得好干爽，又惹味又有新鲜菠萝粒，再加少少猪肉松，超级好味又大份抵食。我自己𠮶杯芒果沙冰都要赞一赞，芒果味好浓，饮落去透心凉。每次黎金兰花都好响享受佢嘅食物，真系一间好有心做泰国菜嘅泰国餐厅，好味抵食，非常值得推介！