回味館 (已結業)

上星期一，终于约齐一家人食饭。选址『回味馆』是也！一行八人，最终每人都拣一个…南乳吊烧鸡- 竟然揾到久违好耐鸡肉味…仲要几大只同几好肉。值4 粒星！椒盐茄子- 外面脆裹面淋，唔算油腻，口感唔错。份量都唔少，每人起码有一件。又系值4 星之作。秘制香辣蟹- 虽然叫少辣，但都仲系好劲。只蟹其实冇乜肉食，味道就OK啦。3 星。椒丝腐乳通菜- 芡汁有少少杰，但味道唔错，通菜仲几爽。3 星啦。芥酱牛粒- 几特别，可惜芥酱味太浓，所以食唔到牛肉味；碟头够大，又系抵食3 星之选。客家豆腐煲- 又系芡汁杰d ，好彩豆腐的确几滑，酿制o既肉( 鱼肉+猪肉？)都煎得香口，总算有3 星级。蜜味金钱鳝- 失望之作。肉质比较淋，感觉唔系咁新鲜。2 星瑶柱西兰花- 个芡汁太咸啦，西兰花又煮唔透咁。唔合格，1 星整体而言：碟头大、份量足、价钱唔贵，味道唔错，抵食之选。