Bostonian Seafood & Grill (已結業)

见到 OpenRice 同好多朋友都提起 Bostonian 的「海陆盛宴 Surf & Turf」优惠，琴日 Blue Monday 就去食返餐好！装修后第一次去，环境比较暗，但无哂以前的陈旧感，型格同高级好多，好想马上饮返杯！帮衬 Surf & Turf 餐单正好可加$50点杯红或白酒，我梗系加杯我钟意的 Shiraz，都几大杯好抵饮呢。见好多人都推介又海胆又三文鱼籽的 You & I 生蚝，个组合好吸引，都点了一份来分享，果然非常鲜甜，蚝身更加饱满美味，蚝迷要食！主菜就点了最多人赞好的澳洲和牛西冷拼蟹脚，虽然贵少少，但和牛西冷真系煮得好好，刚熟无血水又肉味浓，劲好食；蟹脚都好粗壮，肉质好鲜甜，系调味重手少少。朋友的美国肉眼份量更大，配带子都有5件，大家都好满意。差点忘了讲，主菜仲配埋沙律同薯条任食，佢依款幼幼地的薯条好味道，真系好影食唔停口架！食完已经好饱，甜品要下次再来试了。同埋经理话 Surf & Turf 暂时只做11月，12月圣诞都未必推，我同朋友都心思思再想来多次呢！