影片
更多
2023-03-12
649 浏览
嚟一田购物，顺便喺场内食个 quick lunch。有人钟情拉面，拣咗呢间喺香港多区都有分店嘅「鸣虎 Nakitora Ramen」。店铺地方不大，设有一排曲尺型吧台座同三张 4 人桌，环境行简约木系风，感觉舒服自在。点咗绿虎-四国香葱油拉面 ($88) 同 大阪风咖喱猪扒丼 ($58)，另外再加咗罐可乐($12) 同一碟肉饺子 ($38)。汤底味道好浓郁，香滑醇厚，鲜甜得嚟更夹杂住阵阵清新嘅葱香，很有层次。拉面粗幼适中，口感软滑而富弹性，加上又长又直，更易「挂汤」。火炙叉烧亦很有惊喜，份量大块又够柔软，食落肉质好松化，肥瘦分明，有淡淡肉香。另外木耳丝同半熟蛋，食味亦不俗，前者爽脆醒胃；而后者流心之余，更有点浆口，好食。大阪风咖喱猪扒丼 ($58) 猪扒大大块，炸得非常香口，外层脆浆轻巧，咬落唔会成口粉，肉质嫩滑又 Juicy。咖喱汁浓稠适中，惹味得嚟又不失日式咖喱独有嘅香甜，用嚟捞饭一流！饺子外形胀卜卜，饺皮咬落非常香脆，入面塞满了椰菜猪肉馅，猪肉有鲜味又富肉汁，趁热食好满足！
嚟一田购物，顺便喺场内食个 quick lunch。有人钟情拉面，拣咗呢间喺香港多区都有分店嘅「鸣虎 Nakitora Ramen」。
店铺地方不大，设有一排曲尺型吧台座同三张 4 人桌，环境行简约木系风，感觉舒服自在。
点咗绿虎-四国香葱油拉面 ($88) 同 大阪风咖喱猪扒丼 ($58)，另外再加咗罐可乐($12) 同一碟肉饺子 ($38)。
汤底味道好浓郁，香滑醇厚，鲜甜得嚟更夹杂住阵阵清新嘅葱香，很有层次。拉面粗幼适中，口感软滑而富弹性，加上又长又直，更易「挂汤」。
火炙叉烧亦很有惊喜，份量大块又够柔软，食落肉质好松化，肥瘦分明，有淡淡肉香。另外木耳丝同半熟蛋，食味亦不俗，前者爽脆醒胃；而后者流心之余，更有点浆口，好食。
大阪风咖喱猪扒丼 ($58) 猪扒大大块，炸得非常香口，外层脆浆轻巧，咬落唔会成口粉，肉质嫩滑又 Juicy。咖喱汁浓稠适中，惹味得嚟又不失日式咖喱独有嘅香甜，用嚟捞饭一流！
饺子外形胀卜卜，饺皮咬落非常香脆，入面塞满了椰菜猪肉馅，猪肉有鲜味又富肉汁，趁热食好满足！
张贴
