Planet Foody Prime (裝修中)

今日嚟到位于天后附近嘅西餐厅Planet Foody Prime食饭，餐厅都系啱啱新开无耐，装修以简约风格为主。All day breakfast 呢个早餐真系好吸引，有烘多士，鸡蛋，烟肉等等，款式够晒多样化。当中嘅多士沾上蛋浆，每一啖都有蛋香味。Waffle tower窝夫够松脆，入口有只牛油香味，配埋牛油果酱食，几好味呀。Dashi Carbonara + smoked salmon卡邦尼意粉煮得好入味，意粉入口弹牙，仲有阵阵嘅蛋香。烟三文鱼入口唔会太过咸，配埋意粉一齐食都几惹味。Kimchi lasagne估唔到泡菜同面都几夹㖞，加上泡菜唔会太过辛辣，连埋芝士一齐食，都别有一番风味。Peanut berry tower依个甜品嘅花生味都几突出，加上卖相非常之吸引，啱晒钟意食花生嘅人。Gelato & cone意大利雪糕入口完全唔肥腻， 入口好细滑，又唔会太过甜。雪糕个脆筒入口都系好香脆嘅，唔会冧，几好味。整体来讲，呢间餐厅嘅食物质素都几好，价钱亦都好亲民，其实真系好抵食呀。