御廚煎餅 (已結業)

我唔系喺湾仔返工，不过间唔时工作不太忙就过去湾仔食lunch, 平时去开华星，泰国菜之类，今次因为要去湾仔298买野过左时间，就走去IVE附近揾野食。去到活道经过一间新开煎饼店，见到几位食客排队买野，于是决定一试。店子不算大，只见店员们不停煎饼，手势好熟练，几分钟已煎好一个饼。我点左一份北京烤鸭煎饼，不用等太久已经攞到。一拎上手，个饼热辣辣，一望真系唔只小食咁简单，份量十足，内里鸭，配菜同酱汁比例恰到好处，闻到香喷喷既烤鸭味，红萝卜丝同青瓜丝菜放既份量刚刚好，薄脆新鲜做仲好香好脆，虽然酱汁本身好浓，不过咁样夹就令到淡同浓既材料混和一齐，饼皮初初谂以为系全脆既，不过后来发觉佢既饼皮食上去既感觉系复杂既，软中有少少脆，厚薄适中，唔系一味卖抵食夹大件就整d又厚又柴皮既饼或者薄到无感觉𠮶种，可感受到佢地不是只为卖野马虎去做。真系好好味，仲有叫左樽酸梅汁，甜度啱啱好，饮左觉得开胃，食饼时侯唔会觉得滞！听讲呢款煎饼系北京，山东一带盛行，不过我无食过当地既，唔识咁比较，不过以材料，食入口感觉我觉得感觉良好。佢地仲有黑白墨鱼煎饼，同蛋包流心芝士薯饼都好出名，一定会再试。