潮州人 (已結業)

今次又返返嚟太子附近开餐，打开openrice揾埋附近有无啲粉面类型嘅餐厅轻食一下。睇睇下见到E间叫潮洲人嘅米粉店几多好评，就入去试试佢喇！由太子地铁站行过店舖，大概10分钟以内嘅路程，非常方便快捷。😎入到嚟餐厅，地方唔算大，但格局分明。店员好有礼貌咁招呼我地坐好。望一望餐牌，决定点佢嘅招牌花胶米粉、清酒大蚬汤米同埋加咗份广岛蚝。🦪印象之中主打花胶米粉嘅舖头并唔多，米粉吸收左花胶嘅味道，好似天然嘅调味料咁，花胶亦煮得啱啱好，唔会硬。再试埋个清酒大蚬汤米，有酒味得嚟又引到大蚬嘅清甜味道！无论系花胶米粉定系清酒大蚬汤米，真系可以连汤都饮埋，好健康冇味精！👍🏼广岛蚝都系非常鲜甜，有兴趣都可以点嚟一试。