相馬日式火鍋 (已結業)

我同男朋友最钟意食日式火锅放题，今日嚟到西营盘相马日式火锅试吓先～ 呢度晚市120分钟放题，除咗无限量供应肉之外，仲有任食海鲜同埋串烧炸物放题。当然仲有饮品同雪糕啦～ 酱料区有大量唔同既酱料同配料，我最爱麻酱，夹牛肉一起食好香口。另外自助区仲有其他火锅配料任夹。👍🏻👍🏻 海鲜拼盘好丰富，有日本带子、广岛蚝、蟹肉棒、青口、虎虾、蚬同螺等。好多款式。而且全部都新鲜。😋😋 呢度最特别既系，可以任食串烧拼盘。我地叫咗大头虾、金菇肥牛卷、豚肉串等，好满足🤭🤭 蕃茄汤底亦都好正，浓浓的蕃茄汤同牛肉好夹，蕃茄汤应该用茄膏一齐察，好香甜。😆😆 我地两个食到好饱好满足呀～🤰🏻