L.D.K. by Ufufu Café (新城市廣場) (已結業)

食日本野真系好适合打卡，因为佢哋个卖相通常唔会太差。Ufufu既芭菲出哂名好食，佢开嘅Cafe食物质素都好高。午餐时段优惠，任何主菜加$20包沙律、餐汤、咖啡或红茶或者再追加$20试佢哋嘅抹茶同特浓咖啡系列又得。沙律有三种可以选择，试过照烧鸡肉沙律同今次嘅烟鸭胸沙律都好好味。餐汤麻麻哋，比较稀。Ufufu 三色丼 （香葱碎吞拿鱼丼、柚子味带子丼、日式烧牛肉丼）只可以讲句，每样野都好新鲜。日式烧牛肉味道丰富，三个丼都好好食。和风鹅肝梅子意粉，鹅肝嘅油香加上酸酸地嘅梅子味道，出奇地同个意粉好夹。Good! 咖啡好香浓，非常唔错。