活一鮮 (已結業)

2020 年5月1日星期五今日系五一黄金周，特登行咗落去北角帮衬香港人嘅小店。呢一间店舖6:00开门但系6:30已经坐满晒人。幸好我系去买外卖自取，但系太多人帮衬所以都要等一段时间。但系绝对值得！我叫咗一份三色丼，拣咗三文鱼腩带子同埋海胆，刺身非常之新鲜，加埋醋饭非常好味。老公就拣咗一份熟食，温泉蛋汁黑豚丼，猪肉好似用炭火烧过一样，非常好味。配温泉蛋一流！最后我哋仲叫咗一份小食就系鲭鱼烧，烧得好香，肉质完全锁住左喺里面。师傅嘅功夫一流。埋单都系$200多少少，性价比非常高。