尚善

营业中

休息中

要谂母亲节同阿妈去边度食， 实在有难度。阿妈对食物有要求，而我地亦都唔喜欢食fixed餐单， 一来无得拣， 二来通常都唔好食。最后朋友介绍尼间食日本菜， 系上环，地点唔难揾。地方阔落清静。讲返食物， 叫左个蟹子沙律，刺身拼盘， 海胆寿司， 三文鱼子寿司，三文鱼腩寿司， 烧牛脷， 烧鸡翼，杂锦天妇罗， 牛肉乌冬。蟹子沙律， 正常， 食得出新鲜爽口。刺身拼盘，尼个坚正， 有深海池鱼， 带子， 牡丹虾，赤贝，章红， 仲有其他。 讲真， 而家好多刺身都无鲜味，尼盘就全部有鲜味，新鲜货色。连阿妈都赞好👍👍海胆寿司， 尼个劲鲜甜。三文鱼子寿司， 鱼子脆卜卜， 绝无腥味。三文鱼腩寿司， 我觉得坚正， 又肥美， 满口油香。烧牛脷， 厚切， 有肉汁烧鸡翼， 尼个一般， 无乜特别天妇罗， 脆浆薄， 只虾有弹性， 唔会霉晒， 蕃薯好甜。牛肉乌冬， 正常。最后送左三个雪糕球比我地， 意大利雪糕， 咖啡味正， 朱古力浓， 椰子清新。价钱同食物算正比， 因之前去过好多间， 收费贵， 但食物质素差， 价不符实。 尼间整体食物新鲜，熟食质素高， 阿妈都食得好满意。最后， 尼间系一间社企， 扣除开资， 余额用来做善事。