隨心 (已搬遷) 新店位置

印度朋友黎香港，因為宗教只可以食雞，秒速唸到帶佢食海南雞飯，唸起暖笠笠既椰子飯，好耐之前食過一次就喜歡了，先點左蒜蓉炒時菜，有好多菜揀菜心通菜油麥菜等都有，上菜好有效率而且店員十分有禮貌，蒜蓉炒係最簡單最好食，通菜有少少硬身既質感就啱啱好，新加坡炒蘿蔔糕同樣大力推介，真係好惹味，有啲似xo醬炒蘿蔔糕，但佢哋連雞蛋一齊炒，切成粒狀就非常容易入口，質感軟綿調味足夠，最後當然係主角隨心無骨海南雞飯大大份雞脾肉咁上，真係啖啖肉超開心，雞皮乾淨嫩滑，配海南雞特製醬料，即係黑醬油、酸辣汁同薑蓉，撈埋餐廳主打既椰子飯，陣陣既椰香撲鼻，飯粒有口感，真係好好食，飲埋個熱騰騰既中湯，埋單都只係總共$235✌️✌️