南記粉麵 (金寶大廈)

营业中

休息中

南记由最初一间系香港仔，做到今时今日全港九都有分店，由最普通既鱼蛋粉做到而家酸辣汤底蕃茄汤底什至火锅配料都有，肯定有佢既魅力所在！我同几个同事平均一个星期都会黎到公司附近呢间南记食lunch。环境：呢度多数都系2人同4人位，想自己一个人静静地食野又唔想同人搭枱既，呢度都有一排对住舖面既单人位，坐位安排照顾周到啦。服务：虽然系快餐店式自助取餐，但侍应呀姐好主动执枱收餐，系繁忙多人既lunch time绝对发挥到作用，同埋呢度既呀姐好有礼貌，次次黎到都小心前唔该后。卫生：正如上面讲左，侍应呀姐收餐抹枱快手快脚，另外餐具跟餐一齐上，有别传统粉面店放系枱面任攞，感觉卫生d。味道：其实我每次黎都系点春卷鱼蛋清汤米线。春卷系南记招牌，就算我平时少食煎炸热气野，但黎到每次都会点春卷，因为真系好好味好弹牙，鱼蛋都系我另一至爱，好滑同好爽口，配清清地既米线同汤，清淡得黎好满足。不过值得一提，呢间南记既清汤愈黎愈唔清，成碗都系油，有d吓亲！抵食：新一年南记又加左价喇，两𩠌面加左1蚊，但今时今日27蚊食到两𩠌面，价钱上其实都算抵，最紧要仲要系好味丫嘛。