家香 (已結業)

今日经朋友介绍book咗呢间餐厅同男朋友撑枱脚。入去餐厅第一个感觉系好舒服，光线柔和，同埋枱面点咗蜡烛。点餐个时，员工超好，会用心介绍每个𩠌会点煮，份量。我哋嗌咗梅菜肉饼流心蛋，几特别的，系炸咗嘅梅菜肉饼盛住流心蛋。 之后有嗌咗东波肉牛肋骨，呢个都几好味，唔会好heavy，因为我本身好怕好咸好浓味嘅嘢。然后，我哋仲嗌咗云吞鸡汤，佢系西式云吞加煲咗十个钟嘅鸡汤，我觉得鸡汤几好嘅，清清地，但我就唔识分辨佢系咪真系整咗十个钟，云吞就麻麻地，觉得净汤已经very good。 最后main dish 食咗三文鱼刀削面，系朋友介绍话好好味，但我就麻麻地钟意，觉得佢个三文鱼配刀削面个味唔系好夹。 最后，系食咗个奶黄心太软，好好味！奶黄加strawberry同埋花生碎好match。