元祖沾麵專門店

营业中

休息中

星期六出去做facial顺便系附近揾野食。见到呢间食沾面既店，见佢都几多选择，一于试试好唔好食啦。当日去到已经系下昼3点，但系店内人客都唔少，睇黎都几受欢迎。我叫左个都几重量级既沾面「极上Raclette芝士龙虾沾面」（$168）。等左一阵食物上台，龙虾size唔系讲笑，大过只手掌🤚🏻。面头铺满热溶芝士，芝士带微咸香浓。拨开芝士，原来里面填满左蟹子，好惊喜。龙虾多肉，肉质结实，绝对系真材实料。呢度既沾面标榜系用日本小麦粉制成既粗面，所以咬落有微微小麦粉味，面质弹牙，口感一流。沾面既汤都好好味，系用龙虾肴制而成，非常重龙虾味。汤比较杰身，挂汤能力高，令每一条沾面都可以沾上龙虾精华，非常惹味！值得一提既系装住汤既碗系用热石碗装，上台时d汤仲系滚既，咁就可以keep住d汤唔会好快变冻而变得杰身，万一汤冻左都可以叫职员帮你换另一只热石碗。另外食物上台时店员会主动俾埋一个龙虾钳。细心位加分！👍🏻个人几钟意佢既面质同汤，用心经营既餐厅可以从食物质素中反映出黎，而呢间沾面专门店值得一试，之后都一定会回头。