Amazing

营业中

休息中

位处油麻地东方街城景国际入面嘅东南亚餐厅Amazing，食过之后真系觉得几amazing！首先讲讲环境，餐厅采用日光透入嘅设计风格，俾人一种既自然又清爽嘅感觉，令钟意光猛嘅我顿时对呢间餐厅产生咗一份好感；另外，餐厅亦加入咗唔少绿色元素，虽然未必系真植物，但系喺石屎森林入面揾到一丝森林元素都唔容易！食物方面，我嗌咗一份午市套餐：大虾冬荫功配海南鸡饭，味道相当唔错，个冬荫功汤有辣味有鲜味，最得意系佢个大头虾浸入汤身，虾头连虾脚外露，令个汤嘅卖相生色不少！！而个海南鸡饭嘅鸡肉都好嫩滑，份量亦唔少，加埋个「擸擸令」嘅油饭同甜品仔(应该系泰式糕点)，成个lunch真系令人好满足！Juicy！不过亦有美中不足嘅地方：服务效率奇劣，上次嚟食嘅时候埋单时间等太耐，要催几次先成功埋到单；而今次就系催佢上菜，又系催咗2次先嚟到，因此温馨提示：如果赶时间就唔好嚟食，因为你预咗会等到燥底。