李家 (筲箕灣道) (已結業)

今日两个人好想食韩国嘢，喺西湾河见到有间新开嘅韩国餐厅，就走上去试吓。原来之前西湾河都有一间李家，系搬咗个舖位嚟呢度。一开Menu见到好多嘢食，太肚饿嘅关系都叫咗唔少嘢。半半炸鸡，原味加甜辣，全部都系即叫即炸，一嚟到热辣辣，原味好脆，最估唔到系甜辣竟然有啲酱包住都可以好脆，加上个甜辣酱好开胃好好食，真系好正！海鲜葱饼，好大份，海鲜都好多，鱿鱼，虾，葱，成件事好正好吸引，成块饼个size大过块面！两个人食好够！米肠年糕紫菜卷套餐，先讲吓个年糕，唔太辣，啱晒我呢啲唔食得辣嘅人。跟住米肠加盐一齐食估唔到又几好味，你唔会觉得好dry。个紫菜卷又系即叫即炸，加埋秘制酱汁，热辣辣真系一流。整体来讲真系唔错，啲嘢都好大份，依度装修环境都几靓，楼底好高，坐得好舒服，职员态度又好，一定会再嚟帮衬。