影片
更多
2017-08-04
57 浏览
喺旺角区有唔少泰菜选择，不同档次都有，但一般都唔会话坐得太舒适，今次喺【泰屋】相对而言较阔落同新净。跟三位朋友一同晚餐，我地就冇点套餐，全部都系单点，最终得出价钱同点个四人餐差不多，但又可以点到自己想食嘅菜式。我地点左几款小食、饭、串烧等热门食品。【泰式炸虾饼】：一共有四个，切成一半，虾饼唔会炸得太干身，食落有虾味，虽然称唔上非常弹牙，但都有起胶感觉。【马拉盏炒椰菜苗】：椰菜苗同平时食开嘅比较起上黎比较大棵，味道略略偏咸，但都算好食，又够锅气。【冬阴公鲜虾炒饭】：冬阴公味道唔算太强烈，饭都炒得几干身，配料唔算好多，但有两只大虾搭够，卖相吸引，味道可口。【串烧沙嗲 - 牛、鸡】：牛肉、鸡肉各三串，食落惹味，肉质唔会太老太韧，个人倾向多沙嗲汁淋喺面头，略嫌呢份就比较少，多啲会好食啲。【青柠鲜鱼炉 - 乌头】：全晚大家一致赞好，青柠带出鱼鲜味，加上香茅、泰式辣椒，食落酸酸辣辣，非常开胃。另外，鱼肉都渗入唔少汤汁，一啖又一啖停唔到口。可选择炉鱼或乌头，我地拣左后者，乌头鱼骨唔多，而且啖啖肉，鱼肉多，连唔食鱼嘅朋友都食左好多，汤都饮埋。【香茅烧鸡 - 半只】：由于得半只，鸡嘅份量唔多，每人都系分
跟三位朋友一同晚餐，我地就冇点套餐，全部都系单点，最终得出价钱同点个四人餐差不多，但又可以点到自己想食嘅菜式。
我地点左几款小食、饭、串烧等热门食品。
【泰式炸虾饼】：一共有四个，切成一半，虾饼唔会炸得太干身，食落有虾味，虽然称唔上非常弹牙，但都有起胶感觉。
【马拉盏炒椰菜苗】：椰菜苗同平时食开嘅比较起上黎比较大棵，味道略略偏咸，但都算好食，又够锅气。
【冬阴公鲜虾炒饭】：冬阴公味道唔算太强烈，饭都炒得几干身，配料唔算好多，但有两只大虾搭够，卖相吸引，味道可口。
【串烧沙嗲 - 牛、鸡】：牛肉、鸡肉各三串，食落惹味，肉质唔会太老太韧，个人倾向多沙嗲汁淋喺面头，略嫌呢份就比较少，多啲会好食啲。
【青柠鲜鱼炉 - 乌头】：全晚大家一致赞好，青柠带出鱼鲜味，加上香茅、泰式辣椒，食落酸酸辣辣，非常开胃。另外，鱼肉都渗入唔少汤汁，一啖又一啖停唔到口。可选择炉鱼或乌头，我地拣左后者，乌头鱼骨唔多，而且啖啖肉，鱼肉多，连唔食鱼嘅朋友都食左好多，汤都饮埋。
【香茅烧鸡 - 半只】：由于得半只，鸡嘅份量唔多，每人都系分到两件左右。味道不俗，用上泰式腌料制成，烧得香口，但鸡皮可以再烧得脆啲。
【蒜茸包】：一共四大片，牛油、蒜茸均匀搽满整块面包，食落脆口，蒜茸味又够香，大家都几满意。
饮品方面点左【椰汁冰】、【芒果沙冰】、【阿华田沙冰】、【椰汁沙冰】，整体黎讲，都唔会话太甜，沙冰打得够碎，价钱正常。
四个人除番开每人二百零蚊都系合理的价钱，喺旺角区黎讲，都算系一个唔错嘅选择，因此晚市都有唔少客人。
张贴
