木船泰國粉麵專門店 (已結業)

泰国菜都系我其中一个最爱! 冇得去泰国食唯有系香港揾好食既泰菜! 呢间泰国野价钱够哂亲民! 我地都叫左好多野食, 佢既餐仲送小食同肉太汤/冬荫公汤~ 我觉得叫佢既冬荫公汤正D~一黎重口味D, 二黎够哂惹味! 佢个招牌豚肉饭好正, 虽然唔系泰菜, 但系见到招牌呢两个字就想试下,因为通常都唔会中伏~结果真系冇令我失望! 有劲多青木瓜丝系面! 同埋D 豚肉既份量有爆多! 仲有D 汁烧豚肉味道好夹烧得好香! D 汁送饭超正! 另外佢仲有只温泉蛋系碗饭入面, 督烂佢用黎捞饭一流!跟餐既肉丸札肉鸡汤味道都唔错, 但都系拣冬荫公正D~ 另外送既小食仲有三小款, 中华沙律, 麻酱豆腐同埋鱼丸~ 够哂份量！另外仲叫左一个餐系冬荫公肥牛金边粉, 个汤底超正! 超惹味! 但如果叫呢个真系要食快D, 因为金边粉都好爽汤汁, 慢得滞D 汤就好易俾D 粉爽哂冇得饮! 肥牛份量都好多! 碗粉超大!我地另外仲叫左几款小食, 包括有泰式炒通菜、凤爪沙律、青木瓜沙律、庶虾同埋单骨鸡翼! 全部都好好食! 而我最中意既系凤爪! 够哂惹味!