芭堤雅小廚

营业中

休息中

同朋友去咗大尾督 Pataya 食泰菜，间舖嘅厨师全部泰国嚟㗎！首先叫咗一道「芭提雅酸芒骨香鱼（$188）」，厨师将条鱼起骨拆肉，炸完再放返落碟，旁边再配酸芒沙律。将沙律同鱼一齐食，酸酸哋唔会觉得油腻。另外，即使湿湿地嘅沙律同炸鱼摆埋一齐，都唔会搞到啲鱼湿晒，一 pat pat，厨师有留意到呢啲细节，想当值得赞赞！食嘅另一道菜系「泰式曹池珍宝大头虾」（$228 两只），开边后加入红咖哩酱汁，相当惹味。只大头虾真系成只碟咁大只，啖啖肉。（唔系龙虾嚟，我对龙虾敏感，一食就会痕，但系都食得呢只大头虾！）食泰菜，冇冬荫功汤总会好似差少少咁，所以一于叫埋个汤。睇返入面啲料，虾壳相当大块，应该系用大头虾熬出嚟，另外亦相对足料。