享慢煮意 (善慶街) (裝修中)

一个不起眼既角落有一家以蓝黄色为装横既餐厅，颜色同其他店舖形成强烈对比，主打慢煮，少调味料少油，将食物原汁原味呈现。一定要试佢地既流心牛角包🥐，牛角包外层保持酥脆，充满牛油香，一切开牛角包，里面馅料流出来。今次试咗龙虾汤流心牛角包同埋爆炸糖海盐焦糖咖啡流心牛角包，龙虾汤流心充满鲜味，连埋牛角包食口感更丰富；爆炸糖海盐焦糖咖啡流心牛角包口感特别，刺激既爆炸糖，配上丝丝甜味焦糖、淡淡盐味海盐、微苦咖啡香，层次感丰富，带出味蕾嘅冲击。另外美国顶级牛腹扒配香煎鸭肝都整得好出色，牛腹扒以慢煮嘅方式煮成，肉香浓郁，油花较少，配菜有滑溜既奶油瓜蓉，好香南瓜味。煎鸭肝外脆内软，有入口即溶嘅感觉。