常聚 (已搬遷) 新店位置

今晚同屋企人食家常小菜，去咗呢间位于西营盘食开嘅餐厅，平时都好多人，咁岩去到就有位。豉汁蒸红由：条鱼好大条，都几新鲜，落咗好多豉汁同埋莞茜，不过都食到少少腥味，怕腥嘅朋友未必受得到。土鱿肉饼：调味好足够，加上土鱿带出嘅鲜味，啲肉腍得黎又唔会好松散。葱油鸡：鸡嘅份量唔少，又唔会件件都系骨，葱嘅份量好足够，捞埋一齐食够晒惹味。金银蛋浸时蔬：配菜份量足，唔会多菜少𩠌，白菜煮得恰到好处。想食港式小菜呢间餐厅系一个唔错嘅选择，钟意食蒸鱼嘅朋友更加唔可以错过。