鈺膳潮州菜 (駱克道) (已結業)

湾仔太多好嘢食，今日又发掘到一间潮州菜，楼上坐，虽然店面不大，食物环境却都超水准，请客作东都不失体面。餐厅就在地铁站附近，大大个招牌好难错过。室内全部都系大台，两人前来可能需要搭台。近窗处好似仲有包房。餐牌制作精美，食物选择众多，都算系潮州特色。价钱适中，不过不算是平价。👇🏻【卤水鹅肉】睇餐牌原来有鹅肉同鹅片嘅分别。鹅肉即厚切，鹅片薄切。可能薄切易入口，所以价钱贵小小。我地叫左厚切的鹅肉🙈😆几惊喜！卤水十分入味，鹅肉咸香，肉质唔柴，啲皮唔会太肥腻，同埋好大份，垫底的豆腐都咸香多汁，推介！！👇🏻【方鱼炒芥兰】芥兰青翠欲滴，菜头爽脆，方鱼细细片，提鲜，色香味俱全，惊喜之选！👇🏻【蚝仔粥】潮州菜经典 怎能不食。好足料！好多蚝仔粒，同埋有细细片方鱼调味，肉碎丰富，加了香菜提鲜，粥同水比例正好，好满足。👇🏻两人三送好饱，埋单$400有找。