太平飯店 (已結業)

旁边就系北角站出口，间中仲有啲旅行团经过，所以店外都几繁忙。店面较细，摆枱较逼，但喺非繁忙时间都算坐得舒服。亦见几多人买外卖。卤水鹅片 - 张垫枱纸话系底脾肉，所以好珍贵。卤水汁味道啱啱好，唔会越食越咸，可惜系今次明显片薄咗，而且垫底嘅肉都少咗，感觉冇咁抵食。海蜇拼墨鱼 - 依然好味，特别系墨鱼，但以前用鹅片𠮶款圆碟装份量较多。方鱼肉碎粥 - 好足料，今次米同水嘅比例啱啱好。因为有时会多水少米唔够饱，有时就少水多米食到好饱。蚝饼 - 都几油，味道一般，同以前食过另一间嘅蚝饼无得比。