Das Gute (已結業)

妈咪生日，虽然只系静静地喺屋企庆祝，但系点都应该要有个蛋糕嘅，去APM附近揾吓有啲咩蛋糕选择，嚟到呢间蛋糕舖前俾佢多款靓靓蛋糕造型吸引，左谂右谂最终买咗个限定版嘅焙茶蛋糕。呢个系用日本焙茶而成的蛋糕及忌廉，忌廉打得轻盈，食落感觉都几滑，蛋糕中间仲加咗少少朱古力脆片，入口有明显嘅焙茶味道，不过食多两啖感觉就甜咗啲；蛋糕做得够松软嘅，而且个底好似仲有啲脆脆，食落又多一层口感，几个人分都仲有剩，整体来讲性价比唔错。