The Stadium (已結業)

星期六同朋友来观塘画画，话食过好味想带我去试下，所以一齐来食dinner。餐前小插曲：四点左右打电话去餐厅，问有冇得Book台，佢话已经full，可以6点去排队拎筹。咁我地一听以为个场好旺，所以打算画完画再去碰运气。去之前再打电话俾餐厅，问宜家多唔多人排队，大概要等几耐，佢话有人排紧唔知等几耐。咁我地都系去望下先，结果去到唔洗等位，入面仲有好多空台。所以好想知道究竟发生咩事？Anyway入到去餐厅环境宽敞，但偏吵（好多一家大细聚餐）：我地两个净系叫佐一杯Mojito（芒果味）、一份四成熟肉眼扒同一份黑松露薯条。孤陋寡闻，第一次来到Mojito可以拣口味既餐厅。但杯嘢一啲芒果味都冇，同原味冇咩分别。四成熟肉眼扒就有惊喜。牛肉味浓郁，冇overcooked，肉滑唔会韧，隔离仲有薯角做side dish，质素唔错。黑松露薯条上面有芝士，酱可以refill，都算抵食。总体来讲都推介大家试下。