九運來粉麵世家 (已結業)

厚福街出名多美食，呢间最近新开张，主打牛腩等多个部位嘅粉面，即日至15/7仲做紧优惠，$20食到原汁牛腩汤，每人每日限一碗，每日供应数量有限。除此之外更有唔同套餐同小食供应，价钱亲民，地点方便，值得到访一试。一场嚟到要咗个牛三宝，可以试晒唔同部位。牛腩最正，肥瘦适中，肉质软嫩，咬落即化，而且煮至入味、牛肚吸饱酱汁，带点口感、牛筋QQ弹弹，有大有细，不过味道较为淡。值得一提嘅系下面铺满新鲜生菜，感觉健康，性价比高。除咗早餐下午茶套餐之外，餐厅亦有全日特价饭餐，超级推介呢度嘅冬瓜鸭腿汤饭，鸭腿大块，淡淡香气，肉质唔嚡，饭分开上，十分贴心，软糯可口，而且份量好多，一个大男人食都足够。