Ideas Dessert (已結業)

今日嚟多大窝口呢头食甜品，idea dessert位置唔算好近地铁站，我哋揾咗一阵先揾到。双色金时：呢个系有抹茶口味同埋牛奶口味嘅雪糕，配埋红豆，丸子同埋绿茶饼。个雪糕非常好味，我就比较钟意抹茶味多啲，唔算太甜。榴梿飘香：榴梿飘香就好重榴梿味，非常足料，几大旧榴梿蓉， 啲奶冻相对普通。其中一样配料系水晶珠，我觉得好特别，佢个样有啲似西米露，但系食落比较爽口。钟意食榴梿嘅一定要食呢个榴梿飘香。香蕉朱古力千层酥：本身想食抹茶千层酥，但系今日冇。所以就叫咗香蕉朱古力千层酥，个人觉得几好味，香蕉都几浓，入边有好多吉士，所以食到最后都有少少腻，但系佢嘅千层酥皮就好脆，好好味。伯爵茶心太软：第一次食伯爵茶心太软，个味道都几特别，几浓伯爵茶味，而且心太软都几流心，不过个人就钟意朱古力多啲。心太软仲配埋豆腐雪糕，我觉得呢个雪糕就非常好味，有浓浓嘅豆腐香，而且都好滑，非常钟意食呢个豆腐雪糕。人均消费大概$60左右。