慶記 (已結業)

庆记前身系大角咀庆面，小舖搬大舖，而家坐得舒服咗，又唔使好似以前咁要经常排队。两个人想食上海野既话，呢间系唔错既选择，因为佢哋嘅生煎包、锅贴同小笼包都有2只份量选择。其中我觉得生煎包最好，即叫即煎热辣辣，包底煎得好香脆，咬开会爆汁。佢有普通生煎包同叉烧生煎包拣，两种都好味，叉烧生煎包味道略甜。另外麻酱捞面都系佢哋嘅招牌菜。今次我叫咗猪扒汤面，面质ok，汤底比较淡，配有一旧大萝卜同三个豆腐卜。猪扒炸得唔错，好松化。