翰騰閣 (已結業)

第一次写食评，大家多多指教！　　　　难得终于挨到放假，约埋旧同学一齐去饮茶，呢度以前同一班朋友都嚟过。　　　　记忆中食物都算唔错，无黎好耐，呢到装修咗，以前门口有好多竹叶，今次竹叶唔见晒，变咗做都几特别既窗门做间格，比人一个好轻松干净既感觉，本想揾一张近门口位置有盆大兰花既卡位坐，可惜比人订满晒，唯有揾一张向住门口卡位既枱坐，因为卡位望落好靓，坐唔到望吓都好！　　坐低开咗茶，部长走黎问我地饮唔饮老火汤，话数量有限，可以预留我地一份先，等到点心黎咗先上汤。我地见部长咁有诚意同礼貎，又的确好想饮，就叫咗一份黎试下，我地要咗花生木瓜煲鸡脚，汤够晒热，最重要既系冇味精，对于天生对味精为敌既我，饮到酒楼煲既煲汤真系无味精既！都算少之又少！　　　　其它既点心，例如金鱼饺、烧卖、川芎百芷鱼云都几几吸引，下星期同老公两个黎撑枱脚都好！