香港海賊王餐廳 (已結業)

香港好少有卡通主题餐厅，朋友介绍来呢度真系好有惊喜，因为餐厅比我想像中大，卡通全部大大个，影相位劲多、但最难得系食物质素仲几好添。餐具有卡通标志食得特别享受。前菜先来个炸蟹球，外脆内软，入面好creamy。鸡亦系小朋友最爱，单骨小朋友食落更容易。猪仔脾好大只又够厚肉，酱汁好香浓，肉质够软淋够肉味。牛扒三文治，牛扒6成熟刚刚好，最吸引我系面包上有正义2个字，相机食先呃like一流😂😂 眼阔肚窄点埋呢个卡邦尼贝壳粉，味道不错，仲有流心鸡蛋，贝壳粉软硬度刚好，巨型size小朋友好少见，食得特别开心。餐厅仲有主题甜品卖相好可爱，可惜已经太饱，要下次再来试了。