千羽堂 (已結業)

今日去咗金钟美国银行大厦𠮶边做嘢，做完嘢之后咁啱又系午饭嘅时候，咁就喺𠮶边附近揾嘢食，见到有一间日本嘢食，望一望个餐牌，发现价钱又唔系话太贵，咁我就把心一横试一试。其实都见到好多人喺度等位同埋排队买嘢食 ，佢嘅格局就好似普通连锁快餐店咁样，一边排队买飞，另一边就去攞嘢食。咁我睇咗一睇就决定食咗个杂锦宝石海鲜丼再加钱饮荔枝梳打，估唔到呢个海鲜丼嘅味道都几好食，而佢个餐亦都有个前菜沙律，普普通通冇特别，反而系个荔枝梳打有d惊喜，饮落去有荔枝味加埋佢配咗一啲爆珠喺饮品入面，总括价钱唔算太贵味道唔错，可以 encore。