倆口小吃 (已結業)

放工约了友人食饭，之前听人介绍呢个俩口小吃系元朗好出名，好想一试但元朗又太远，而加系中环有分店实在太好了~!位于BaseHall都几方便。7点多去到，等个FD顺便睇下个餐牌，好多售罄所余无几@0@!实在太受欢迎了!太想食只好尽快有咩叫咩。顺带一提，QR CODE落单会快点。等食中。因为饮品冇乜吸引，饮水好了。好吸引呢。香煎虾饼刈包，$65。刈包微热软熟，馅料十足，虾饼外层香脆，入口弹牙有鲜虾味，配料爽口清新，特调的酱汁及鱼蛋酱好惹味，口感丰富好味! 抹茶忌廉芝士压饼，$45。饼外皮微脆，入馅是澎湃的抹茶忌廉芝士，十分足料，抹茶味浓郁，微微的甘苦，配合咸香的芝士好美味~又唔会太甜腻，好味。果然好味，下次早点来一定要试下猪腩肉，有机都想去元朗一试~但要假日了。