富士山 (已結業)

今日早放工，于是决定喺铜锣湾食个快饭。行过金百利，见到有间日本菜新开，于是就上去望望。因为时间关系，上到去系一个人都冇嘅，好安全，哈哈。环境整体黎讲好干净好企理，店员亦会主动帮你量体温，消毒双手。呢间铺主打系鱼生丼，有好多唔同种类嘅丼可以选择，我最后拣咗同铺头同名嘅富士山丼，𠮶丼同喺餐牌上面见到嘅一样，好多唔同种类既鱼生，视觉效果好丰富。碗丼样样材料都好新鲜，其中个拖罗系绝对冇得输，入口即溶，之后成个口都系𠮶浸油香味。另外个海胆、三文鱼子亦都好鲜味。铺头亦都有刺身、寿司、手卷、串烧同埋唔少热盘可以选择，我就叫咗个海蜇做前菜，之后加多2件寿司同埋一个桃汁。其中个火炙a4和牛寿司好好味，烧得啱啱好，半生半熟，𠮶牛肉味出晒嚟，正！