潮膳 (已結業)

呢个晚上同个空少朋友庆祝生日，问起佢想食咩，佢话好耐无食潮州菜，好想食d好食既潮州野，咁我近排就听朋友讲铜锣湾附近之前开左间唔错既潮州野叫潮膳，仲话唔算贵，所以我地就谂住去试下。七点左右去到餐厅，餐厅唔算多人，暂时未洗排队，餐牌选择其实都唔算多，不过胜在应该有既潮州野食佢都有，我入门口果阵见到枱枱都有叫条冻马友，个样系超级吸引，可惜朋友唔钟意食鱼，所以我地最后都无叫到鱼。鲜淮山猪肚汤 $38位我同朋友都系钟意饮汤既人，呢个汤一到已经闻到好香，猪肚味真系好劲，饮果阵饮到清甜淮山味同埋小小胡淑味，真心好正，猪肚份量仲要好多，呢个价钱饮到呢个质素，真系有惊喜！潮州鹅片鹅掌翼 鹅掌翼朋友钟意食，所以叫左个双并，朋友keep住话好好味，自己一个人食哂哈哈，鹅片我觉得真系好好味，脂肪唔算多，肉质好正，一啲腥味都无，肉质又软又入味，真心鹅片系必叫！豉油皇煎大花虾 $45只呢个虾我个人觉得唔算话系好大只果种，但都唔细既，size可接受的，但味道系真系好入味，唔算油，但系我用口啜个壳果阵，呢只虾真系好入味，虾肉都正！芥兰炒牛肉朋友话想起码食个菜，所以我地就叫一份芥兰炒牛肉，呢到既芥兰系OK的，唔错，正常