潮式腸粉家菜館 (已結業)

随意路过入去试吓，入到去发觉系米之莲推介餐厅。舖头似家庭式咁，一个看似老板又系当时唯一嘅服务员，比左两杯茶就随意坐喺度睇报纸。睇咗一轮餐牌，决定叫鱼蛋汤面，朋友叫猪手汤面，再加一个蚝仔肠粉。朋友个猪手汤面一上枱立即闻到好香，之后试咗一旧猪手，真系好淋，好味鱼蛋汤面，得4粒鱼蛋，哗一望，咁少既？不过食过粒鱼蛋之后发觉好好味，好弹牙，超爽。朋友试咗立即想外卖1斤鱼蛋，不过老婆话存货不足，唔卖。蚝仔肠粉比较失望，蚝仔好细粒，冇咩味道，个汁都冇味，有啲失望，因为我系谂住试呢样野先入去，好在果鱼蛋面加分。